Arrestimet e zyrtareve reagon Ministria e Ekonomise

Pas arrestimeve të zyrtarëve të Drejtorisë së Përgjithshme të Metrologjisë dhe Kalibrimit, institucion në varësi të ministrisë së Ekonomisë, reagon kjo e fundit.

Në reagimin e ministrisë thuhet konkretisht:

“Ministria e Ekonomisë, Tregtisë dhe Energjetikës distancohet nga veprimet korruptive të çdo individi, i cili abuzon me detyrën e shtetit. Për METE-n, çdo person mban përgjegjësi individuale për punën dhe veprimet e tij”.

Po ashtu, METE pritet nisë urgjentisht analizat e duhura jo vetëm në Drejtorinë e Përgjithshme të Metrologjisë, por edhe në të gjitha institucionet e tjera të varësisë, duke mare të gjitha masat e nevojshme, gjithmonë në mbështetje të një shteti ligjor dhe të së drejtës.