Australia: Do e ekstradojmë Julian Assange
Australia do të ekstradojë themeluesin e Uikiliks nëse 39 vjecari vendos të kthehet në Atdhe. Lajmin e kanë bërë të ditur autoritetet australiane në një kohë kur Julian Assange deklaron se ka marrë një seri kërcënimesh serioze për jetën e tij. Megjithatë nuk ndalet Uikiliks, që ka publikuar listën e objekteve të infrastrukturës që kanë rëndësi jetike për Shtetet e Bashkuara.
Me kërkesë të Departamentit të Shtetit, në shkurt të vitit 2009, të gjitha përfaqësitë diplomatike amerikane në botë duhet të dërgonin listën e objekteve "humbja e të cilave do të ndikonte jashtëzakonisht në shendetin publik, në sigurinë ekonomike dhe në sigurinë kombëtare të SHBA-ve". Mediat raportojnë se në mesin e kësaj liste gjenden kabllot nënujore të domosdoshme për komunikim, porte, burime minerale apo kompani. Gjeografia e objekteve të përfshira në listë përfshin vende nga Austria deri në Zelandën e Re. Uikiliksi ditë më parë nisi publikimin e 250 mijë dokumentave të klasifikuara të diplomacisë amerikane.
Delina Bitraku
Me kërkesë të Departamentit të Shtetit, në shkurt të vitit 2009, të gjitha përfaqësitë diplomatike amerikane në botë duhet të dërgonin listën e objekteve "humbja e të cilave do të ndikonte jashtëzakonisht në shendetin publik, në sigurinë ekonomike dhe në sigurinë kombëtare të SHBA-ve". Mediat raportojnë se në mesin e kësaj liste gjenden kabllot nënujore të domosdoshme për komunikim, porte, burime minerale apo kompani. Gjeografia e objekteve të përfshira në listë përfshin vende nga Austria deri në Zelandën e Re. Uikiliksi ditë më parë nisi publikimin e 250 mijë dokumentave të klasifikuara të diplomacisë amerikane.
Delina Bitraku