Bale nuk mendon për Realin

Në prag të ndeshjes së kthimit çerekfinale të Ligës së Kampionëve ndërmjet Tottenhamit dhe Real Madridit, Gareth Bale është kthyer të flasë për të ardhmen e tij.

Futbollisti uellsian thotë se momentalisht është i koncentruar tek sezoni i klubit londinez dhe se do të flasë për të ardhmen e tij pas përfundimit të sezonit.

“Momentalisht jam mirë në Tottenham. Dëshiroj ta ndihmoj këtë skuadër. Nuk e di nëse një ditë do të luaj në Real Madrid”, deklaroi futbollisti i krahut të majtë të Tottenhamit.