Balotelli nuk do të luajë ndaj Chelseat

Sulmuesi i Interit, Mario Balotelli, është lënë jashtë skuadrës së plotë të Interit nga trajneri Jose Mourinjo për ndeshjen vendimtare kundër Chelseat, e cila zhvillohet të martën mbrëma në Stamford Bridge.
"Sky Sport Italia" pohon se shkaku i mos përfshirjes së Balotellit nuk është dëmtimi, por debati e tij me trajnerin portugez. Mediat italiane spekulojnë për një grindje të re mes Mourinjos dhe Balotellit, si pasojë e së cilës Balotelli nuk do të luajë në ndeshjen e rëndësishme të Ligës së Kampionëve.
"Nuk kam dëgjuar për këtë. Do të isha i befasuar", shprehet i habitur Moratti. Ndërsa agjenti i Balotellit Mino Raiola u shpreh : " Nuk e di pse nuk është ftuar në skuadër. Por do ta mësoj së shpejti se për çfarë bëhet fjalë".