Banka e Shqiperise sndryshon normen baze te lekut

Banka e Shqipërisë vendos të mos ndryshojë më për këtë vit normën bazë të lekut, duke e mbajtur atë në nivelin 4.75 për qind. Sipas Guvernatorit të Bankës së Shqipërisë, Ardian Fullani, ky vendim është konform nivelit të kontrolluar të inflacionit si dhe mundësisë për zhvillim të ekonomisë.
Sipas Guvernatorit Fullani, ekonomia është në rritje, megjithëse ekziston mundësia për t’u zgjeruar më tepër.
Sakaq, Fullani ka deklaruar se ekzitojnë të gjitha kushtet ekonomike që vendi ynë të ketë rritjen ekonomike të shpallur nga qeveria.
Gjithashtu, Guvernatori i Bankës së Shqipërisë ka vlerësuar gjendjen optimale të sektorit bankar, ku është rritur kreditimi dhe janë shtuar depozitat.
Njëkohësisht, ai ka theksuar se kriza ekonomike nuk ka ndikim në ekonomi dhe në eksportet shqiptare.