Baza kunder Rames: Brace te rrije ne Berat Qamil Xhani

Delegimi i deputetit Erjon Brace nga Berati ne Qarkun e Korces, ka sjelle reagimin e socialisteve. Rreth 100 anetare te PS-se se Beratit dhe drejtues te forumeve socialiste ne kete qark, i kane derguar prej disa ditesh nje leter asamblese kombetare te selise roze, ku kerkojne moslargimin e deputetit Brace per ne Qarkun e Korces. Burime nga PS-ja thane se i njejti shqetesim nga socialistet e Beratit eshte ngritur edhe dje, ne mbledhjen e asamblese se rrethit ku kane qene te pranishem: i deleguari i ri kryesise ne Berat, Namik Dokle, deputeti Ben Blushi dhe sekretari per Burimet Njerezore, Armando Subashi. Burime nga PS-ja thane se ne takim drejtuesit e forumeve te PS-se kane shprehur shqetesimin per vendimin e pakonsultuar nga ana drejtuesve te selise roze. Mesohet se eshte kerkuar llogari per kete ceshtje nga ana e sekretarit per Burimet Njerezore, Armando Subashi. Nje tjeter fakt i permendur ne mbledhjen e zhvilluar dje, me socialistet e Beratit, ka qene dhe mungesa e kthimit te nje pergjigjeje per peticionin nga drejtuesit e PS-se. Sipas tyre, kontributi i deputetit Brace ne Berat eshte disavjecare dhe levizje te tilla nuk do te jene produktive per degen e PS-se ne kete qark. Burime nga PS-ja bejne te ditur se takimi i anetareve te kryesise ka qene per ceshtjen e organizimit dhe ata nuk jane ndalur ne vendimet e asamblese per delegimin e anetareve. Vendimi per largimin e Erjon Braces nga Berati ka ngjallur debate dhe mes anetareve te Kryesise se PS-se. Brace ka deklaruar se nuk do te shkoje si i deleguar ne Korce, edhe sikur PS-ja te marre vendimin per te mos qene me anetar i kryesise. Sipas tij, nuk mund te shkoje ne nje zone tjeter, duke zhgenjyer socialistet qe e kane votuar ne vitin 2009. Sekretari Organizativ Blendi Klosi dhe anetari i kryesise, Saimir Tahiri, jane shprehur se Brace duhet te shkoje ne Korce dhe vendimi i asamblese nuk mund te diskutohet. Kundershtimi i Braces per te nderruar zonen elektorale ka bere qe ne PS te permendet edhe ceshtja e perjashtimit te tij, me motivacionin e thyerjes se vendimit te asamblese kombetare. Nderkohe, vete deputeti Brace ka theksuar disa here se lista e delegimeve nuk eshte votuar, por vetem eshte lexuar nga ana e sekretarit organizativ. Duke mbetur ne ceshtjen e largimeve, Brace ka kerkuar largimin e Klosit, per faktin se si pasoje e administrimit te keq, ne 117 dege te PS-se nuk jane zgjedhur ende kryetaret. Proces ky qe duhet te kishte perfunduar disa muaj me pare.