Berisha: Kaskada e Devollit, sukses i madh

"Shqiperia do kthehet në supërfuqi të vogël në rajon për prodhimin e energjisë elektrike". Këtë siguri e ka dhënë kryeministri i vendit Sali Berisha gjatë nënshkrimit të kontratës për ndërtimin e hidrocentralit mbi lumen Devoll. Kontrata e cila u nënshkrua nga qeveria shqiptare me firmën EVN dhe STATKRAFT- as, Norvegji për ndërtimin e tre hidrocentraleve përgjatë lumit Devoll. Sipas kryeministrit Berisha, ky investim arrin vlerën e 1 bilionë eurove dhe ka një kapacitet prodhimi në masën 320 megavat. Ky projekt parashikon në tërësinë e tij 62 km tunel dhe hap 7mijë e 500 vende pune. Ministri Ruli u shpreh se pas kontratës të nënshkruar nga qeveria shqiptare me kompaninë Verbund, të tjerë investitorë hynë në tregun elektroenergjetik shqiptar, si një shprehje e qartë e politikës së qeverisë që ka synuar në vazhdimësi tërheqjen e vëmendjes së investitorëve vendas e të huaj për ta parë Shqipërinë jo më si një vend me risk të lartë investimi, por si një vend me burime natyrore të shumta ende të pashfrytëzuara, si vendin e duhur për të bërë biznes. Ndërkaq, përfaqësuesit e dy kompanive, duke falënderuar qeverinë shqiptare për realizimin me sukses të kësaj kontrate, u shprehën se projekti për kaskadës e lumit Devoll është një ndër investimet më të mëdha në Shqipëri dhe një ndër më të mëdhatë në Europë në fushën e hidroenergjisë. Ata thane se kishin një besim shumë të madh te Shqipëria, që gjatë këtyre viteve ka arritur shumë dhe ka zhvilluar një mjedis të mirë për biznesin.