Berisha me rekord të ri në not
Nga Express më 01 gusht 2011 në ora 16:30
Edhe pse me një vit më shumë mbi supe, kryeministri i Shqipërisë, Sali Berisha, duket ende në formë të mirë.
Kreu i qeverisë ka sfiduar sërish veten në plazhin e Dhërmiut, duke thyer rekordin e vendosur nga vetë ai, një vit më parë për qëndrimin sa më gjatë në ujë duke notuar.
Kryeministri Berisha ndodhet në Dhërmi së bashku me familjen e tij, si dhe me nipërit dhe mbesat.
Në garën e kthyer tashmë në traditë me veten, Berisha notoi plot 132 minuta kundrejt 127 minutave të një viti më parë.
Gara filloi në ora 11.00 dhe u mbyll pas 132 minutave, më konkretisht në orën 13.12 minuta.
Pushimi në Dhërmi gjatë sezonit veror për kryeministrin Berisha është kthyer në një ritual pothuajse të përvitshëm.