Besiana përjashtohet nga garat

KF Besiana e kishte paralajmëruar tërheqjen nga garat më herët, por klubin llapjan e ka përjashtuar edhe zyrtarisht nga Liga e Parë e Kosovës të mërkurën Federata e Futbollit të Kosovës.

Kjo pasi që verdh e kaltrit nuk i kanë zhvilluar dy ndeshjet e para të sezonit pranveror.

Kështu, sipas Komisionit të Garave të FFK-së, Besiana e humb përfundimisht statusin e anëtarit të Ligës së Parë, ndërsa të gjitha rezultatet e këtij klubi, të arritura në sezonin vjeshtor, do të fshihen e ndeshjet e parapara për sezonin pranveror nuk do të zhvillohen dhe nuk do të regjistrohen.