Bien në greminë 3 shtylla tensioni në Dajt, disa televizione pa transmetim

Moti i keq plot erë dhe stuhi i kohëve të fundit, përveç përmbytjes së banesave në kryeqytet, ka sjellë ndërprerjen e transmetimit për shumë televizione në vend. Operatori i Sistemit të Shpërndarjes (OSSH) bëri të ditur se shkak është bërë rënia në greminë e 3 shtyllave të tensionit të lartë që ndodheshin në malin e Dajtit. Sipas të njëjtit burim si pasoje kane mbetur pa energji Shëngjergji dhe Zallbastari, ku ndodhen edhe antenat e televizioneve. Aktualisht shqiptarët mund të ndjekin vetëm 4 televizione, Neës24, Top Channel, TVSH dhe Alsat. Stacionet e tjera televizive kanë ndërprerë transmetimet prej disa orësh dhe presin të rregullohen defektet. Por, OSSH bën të ditur se rivendosja e shtyllave përfundon vetëm ditën e hënë. Ndërkohë pa energji këto dy ditë do të mbeten edhe banorët e Shëngjergjit dhe Zallbastarit.