Bllokohen në portin e Durrësit 8 mijë paketa cigare kontrabandë
26/05/2010 Rrjet i madh kontrabande
DURRËS- Dje është bllokuar në portin e Durrësit një sasi e madhe cigaresh të futur kontrabandë në port me destinacion tregun vendës. Dogana e Durrësit ka pritur për më shumë se një muaj kohën e “dekonspirimit” të pranisë në port të një kontejneri me 800 koli cigare të importuara. E gjithë sasia e mallit është bllokuar pa u dhënë mundësi kontrabandistëve ta kalonin nga porti. Kreu i doganës së Durrësit Bujar Vukaj ka pohuar se antikontrabanda kishte disa kohë që përgjonte këtë ngarkesë të dyshimtë të futur në port. Importuesit e mallit janë një subjekt shqiptar, por policia dhe dogana nuk kanë bërë të ditur as emrin e subjektit dhe as personat e implikuar pasi dyshohet se bëhet fjalë për një rrjet të organizuar kontrabande. Mosdeklarimi për një kohë të gjatë i mallit në kontejner ka vënë në dyshime agjentët e antikontrabandës që operojnë në doganë dhe port. Ata kanë bashkëvepruar me strukturat e sigurisë portuale për të mos lejuar kalimin e kontejnerit të shenjëzuar për qëllim hetimi malli. Për më shumë se një muaj dogana ka mbajtur në vëzhgim personat që mbikëqyrnin kontejnerin dhe subjektin transportues.
DURRËS- Dje është bllokuar në portin e Durrësit një sasi e madhe cigaresh të futur kontrabandë në port me destinacion tregun vendës. Dogana e Durrësit ka pritur për më shumë se një muaj kohën e “dekonspirimit” të pranisë në port të një kontejneri me 800 koli cigare të importuara. E gjithë sasia e mallit është bllokuar pa u dhënë mundësi kontrabandistëve ta kalonin nga porti. Kreu i doganës së Durrësit Bujar Vukaj ka pohuar se antikontrabanda kishte disa kohë që përgjonte këtë ngarkesë të dyshimtë të futur në port. Importuesit e mallit janë një subjekt shqiptar, por policia dhe dogana nuk kanë bërë të ditur as emrin e subjektit dhe as personat e implikuar pasi dyshohet se bëhet fjalë për një rrjet të organizuar kontrabande. Mosdeklarimi për një kohë të gjatë i mallit në kontejner ka vënë në dyshime agjentët e antikontrabandës që operojnë në doganë dhe port. Ata kanë bashkëvepruar me strukturat e sigurisë portuale për të mos lejuar kalimin e kontejnerit të shenjëzuar për qëllim hetimi malli. Për më shumë se një muaj dogana ka mbajtur në vëzhgim personat që mbikëqyrnin kontejnerin dhe subjektin transportues.