Bogdani: Prioritetet si zv/President i IYDU

INTERVISTA/ Kryetari i Forumit Rinor te Partise Demokratike (FRPD), Gerti Bogdani, thote se votebesimi i dhene nga kongresi i IYDU-se ne zgjedhjet e zhvilluara pasqyron forcimin e partneritetit te Partise Demokratike te Shqiperise me partite simotra te spektrit te djathte politik ne rrafshin Europian dhe ate nderkombetar

Z. Bogdani, si erdhi zgjedhja juaj si zv.President i IYDU-se dhe si e pritet ju ate?
Lajmin per zgjedhjen ne Kryesine e radhes se IYDU-se e prita me gezim te vecante, pasi keto zgjedhje konfirmojne edhe njehere njohjen e arritjeve te qeverise shqiptare ne arenen nderkombetare, si anetaresimi i Shqiperise ne NATO, roli i rendesishem ne shpalljen e pavaresise se Kosoves, avancimin e proceseve integruese ne Bashkimin Europian dhe finalizimin e liberalizimit e vizave. Them se ishte kenaqesi e vecante pasi keto zgjedhje deshmojne per zhvillimin e gjithanshem te shoqerise shqiptare dhe konsolidimin e demokracise ne vend - dhe pra per permbushjen e aspiratave te Studenteve te 8 Dhjetorit, te cilet rreth dy dekada me pare shemben regjimin komunist dhe hapen rrugen e rikthimit te Shqiperise ne Europe.
Si e vleresoni kete votebesim qe u dha ne kongresin e IYDU?
Patjeter qe votebesimi i dhene nga kongresi i IYDU-se ne zgjedhjet e zhvilluara pasqyron forcimin e partneritetit te Partise Demokratike te Shqiperise me partite simotra te spektrit te djathte politik ne rrafshin Europian dhe ate nderkombetar. Per me teper, ne keto zgjedhje vendimtar ka qene edhe forcimi i profilit te marredhenieve nderkombetare te FRPD-se, si rezultat i mbeshtetjes se Kryetarit te Partise Demokratike dhe Kryeministrit te vendit, z. Sali Berisha, per perfaqesimin dhe angazhimin aktiv te Forumit Rinor ne aktivitete dhe nisma Europiane dhe nderkombetare te partive te djathta.
Cfare rendesie ka perfaqesimi i Shqiperise ne Kryesine e IYDU-se?
Ky perfaqesim perben nje moment historik per Forumin Rinor, pasi FRPD eshte tashme plotesisht e integruar ne te gjitha organizmat e partive simotra europiane dhe boterore. FRPD eshte anetare themeluese e organizates Youth of the European People's Party (YEPP) apo Te Rinjte e Partive Popullore Europiane, nderkohe qe anetaresimi ne IYDU perben shkallen me te larte te integrimit te nje organizate politike ne formacionin nderkombetar te partive te djathta.
Si organizata rinore e Unionit Nderkombetar Demokrat (IDU), IYDU perben nje strukture te rendesishme ne skenen e politikes nderkombetare. Ndaj perfaqesimi ne Kryesine e kesaj organizate ofron mundesi per promovimin e rolit te Shqiperise ne axhenden e angazhimeve dhe nismave te partive te djathta ne Europe dhe me gjere ne bote. Faktorizimi i vendit tone ne kete drejtim ka kontribute te drejperdrejta ne forcimin e imazhit ne opinionin nderkombetar dhe vecanerisht ne avancimin e interesave kombetare ne kuader te integrimit Europian.
Cilat do te jene disa nga prioritetet tuaja ne cilesine e zv.Presidentit te IYDU-se?
Ne fokus te angazhimit si pjesetar i Kryesise se radhes te IYDU-se do te jete Shqiperia dhe Ballkani Perendimor. Me konkretisht, synim paresor do te jete perfshirja sa me e zgjeruar e Shqiperise dhe vendeve te tjera te rajonit ne axhenden e pasur te aktiviteteve te IYDU-se ne mbeshtetje te forcimit te lidershipit te ri ne politike dhe pjesemarrjes aktive te te rinjve ne politike-berje. Rritja e vemendjes ndaj Shqiperise do te sjelle mundesi te shtuara per t'u perfshire ne programe dhe nisma per FRPD-ne dhe per ata te rinj te cilet aspirojne te angazhohen ne politike.
Duke konsideruar peshen e madhe te partive te djathta ne proceset vendimmarrese ne kuader te strukturave te Bashkimin Europian, pjese e rendesishme e punes sime do te jete edhe konsolidimi i metejshem i imazhit te Shqiperise dhe avancimi i perspektives se integrimit te plote te vendit ne Bashkimin Europian. Dhe duke vleresuar rolin e jashtezakonshem qe brezat e rinj lozin dhe do te luajne ne te ardhmen ne kete drejtim, me kete rast ftoj te rinjte shqiptare qe te behen pjese e nismave te IYDU-se dhe Forumit Rinor te Partise Demokratike.