City e do Ashley Colen

Për Ashley Colen nuk janë të interesuar vetëm Paris Saint Germaini e Real Madridi. Mbrojtësi i majtë anglez, të cilit i skadon kontrata me Chelsean në verën e vitit të ardhshëm, është bërë objektiv i disa skuadrave evropiane.

Sipas medieve britanike, kandidati i fundit për 31 vjeçarin është Manchester City.

Menaxheri Roberto Mancini e pëlqen mjaft përfaqësuesin anglez dhe duke e pasur parasysh se nuk po rehatohet assesi në krahun e majtë, i ka kërkuar udhëheqësisë së klubit që t’ia blejë futbollistin majtak. Cole nuk është marrë vesh për ta vazhduar kontratën me kampionin evropian dhe pritet të largohet gjatë vitit të ardhshëm.