Doreshkrimi original i vepres Dimri i vetmise se madhe

Dorëshkrimi original i veprës “Dimri i vetmisë së madhe” i shkrimtarit, Ismail Kadare të cilin e disponon Nexhmije Hoxha do të sekuestrohet nga gjykata. Gjyqtari, Bledar Abudullai vendosi që ky dorëshkrim origjinal, që posedohet nga e veja e diktatorit Enver Hoxha do të mbahet në arkiv deri në përfundimin e shqyrtimit në themel të padisë së shkrimtarit Ismail Kadare.  Pak ditë pasi shkrimtari Ismail Kadare iu drejtua gjykatës së Tiranës për të rimarrë dorëshkrimin origjinal të veprës "Dimri i Vetmisë së Madhe", i cili mbahet padrejtësisht, sipas tij nga Nexhmije Hoxha. 
Avokati i zonjës Hoxha, Arianit Roshi, e konsideroi të padenjë faktin që pas kaq vitesh kadare kërkon të rimarrë dhuratën që I bëri znj. Hoxha. 
Megjithatë avokatët e të vesë së diktatorit u shprehen se do të zbatojnë vendimin e gjykatës. Nga ana tjetër avokatja e zotit Kadare, Flonja Tashko tha se nëse dorëshkrimi nuk dorëzohet në arkiv, në shtëpinë e zonjës Hoxha do të veprojnë përmbaruesit. 
Shkrimtari Ismail Kadare iu drejtua Gjykatës së Tiranës dhe kërkoi që e veja e diktatorit ti kthejë dorëshkrimin origjinal të veprës "Dimri i Vetmisë së Madhe" shkruar nga autori në vitin 1971 dhe botuar në 1972 për herë të parë. Në padi Kadare pretendon se Nexhmije Hoxha e ka marrë dorëshkrimin në vitin 1972 gjatë një vizite që bëri në shtëpinë e tij, për ta ruajtur në Arkivin e Partisë. Ndërkohë nexhmije Hoxha pak kohë më parë kishte paditur gazetarin blendi Fevziu për librin Enver Hoxha me akuzën se ka shfrytëzuar ditarët personal të diktatorit pa marrë leje.