Dy javë moslojë për Pepen?

Mbrojtësi i Real Madridit, Pepe, pritet të mungojë në dy javët e ardhshme si pasojë e një dëmtimi- njofton Marca.

Përveç kritikave të shumta që mori për veprimet e tij në "el Clasico", 28-vjeçari ka pësuar edhe një dëmtim.

Ai u zëvendësua në ndeshjen e të mërkurës për shkak të dëmtimit, por edhe për faktin se Jose Mourinho nuk ishte i kënaqur për mosmbulimin e Carles Puyol në momentin e shënimit të golit.

Dëmtimi i tij mund ta lë jashtë ndeshjes kthyese të Kupës së Mbretit që zhvillohet në Camp Nou, ndërsa ai pritet të mungojë edhe kundër Athletic Bilbaos, Real Zaragozas dhe Getafes në La Liga.