ESMA, institucioni i ri i kontrollit te tregjeve financiare

Kriza e financave boterore po prodhon nje institucion te ri kontrolli, per tregjet e letrave me vlere dhe per agjencite e vleresimit te borxhit. Autoriteti evropian per mbikeqyrjen e letrave me vlere, shkurt ESMA, do te themelohet deri ne fund te vitit. Krahas detyrave te tjera ai duhet te kontrolloje me imtesisht agjencite amerikane te vleresimit te riskut. Vleresimi i letrave me vlere nga agjencite eshte nje fenomen global dhe shfrytezohet ne gjithe Evropen, thuhet ne nje propozim rregullativ te Komisionit te BE-se. Per kete arsye agjencite duhet te mbikeqyren nga nje autoritet qendror. Sipas nje projekti paraprak, autoriteti i ri evropian do te kontrolloje me rrepte agjencite e medha te vleresimit te riskut te kredive, te cilat dominojne aktualisht tregun: "Standard & Poor's", "Moody's" dhe "Fitch". Shkeljet e rregullave prej tyre do te ndeshkohen rende, u shpreh komisioneri per tregun e brendshem Michel Barnier. Gjykimi i agjencive per bonitetin e letrave me vlere, boniteti i bankave apo edhe shteteve gjate muajve te fundit, eshte vene shpesh ne dyshim. Per shume transaksione financiare ne Evrope, vleresimi i rreziqeve nga agjencite dhe mbikeqyres te bonitetit eshte e percaktuar me ligj.