Emigrantët, Braho: Kush ka kontribuuar, do përfitojë

Të gjithë qytetarët emigrantë në Itali që kanë periudhë kontribuitive në Shqipëri, do të përfitojnë sipas përcaktimeve që bën edhe ligji. Deklarata vjen nga drejtoresha e ISSH-së, Vjollca Braho, e cila ka përfituar nga aktiviteti i zhvilluar dje me temë 20 vjet emigracion shqiptar në Itali. Ky aktivitet u organizua nën kujdesin e patronatit italian INAS-CISLI dhe Ministrisë së Punës dhe Çështjeve Sociale. E ftuar në këtë panel, Braho dha detaje lidhur me marrëveshjen që ka nënshkruar me patronatin italian institucioni që ajo drejton, çka barazon më shumë ndihmë dhe informacion për emigrantët që jetojnë në Itali, që periudhën kontribuitive për një kohë të caktuar e kanë pasur në Shqipëri. Ne kemi kënaqësinë e bashkëpunimit me patronatin INAS-CISLI, i cili zhvillon veprimtari informimi, asistence, konsulence dhe mbrojtjeje pa pagesë të emigrantëve, që kanë si qëllim kryerjen e shërbimeve të mbrojtjes, asistencës dhe sigurisë shoqërore, në kuadrin kombëtar dhe ndërkombëtar. Dëshiroj që përmes jush dhe të gjithë partnerëve tanë në Itali, të garantoj edhe një herë se, çdokush që jeton sot në Itali dhe që ka pasur një historik kontributiv në Shqipëri, do ti gëzojë përfitimet e skemës, theksoi Braho. Instituti i Sigurimeve Shoqërore, fjalë bashkëpunimit me patronatin italian, ka krijuar një rrjet të kufizuar zyrash në vendin fqinj, ku emigrantët mund të informohen mbi çdo detaj që lidhet me periudhën e tyre kontribuitive apo atë që duhet të plotësojnë si dhe procedurat e ndryshme.