Eurobondi 400 milione euro, dekretohet nga Presidenti

Presidenti dekreton emetimin e Eurobondit 400 milione euro ne bursat nderkombetare. Dje Presidenca njoftoi se Presidenti i Republikes, Bamir Topi dekretoi hyrjen ne fuqi te ligjit "Per ratifikimin e marreveshjes se mandatimit, ndermjet Republikes se Shqiperise dhe Deutsche Bank AG, London e J.P. Morgan Securities, LTD, si menaxhere bashkedrejtues, per transaksionin e emetimit te Eurobondit deri ne 400 milione euro dhe miratimin e dokumenteve te tjera te transaksionit". Marreveshja, qe u ratifikua ne Kuvend me 15 prill, lidhet me plotesimin e nevojave te huamarrjes per financimin e shpenzimeve kapitale per vitin 2010. Per kete qellim Ministria e Financave vendosi te emetoje Eurobondin e pare ne historine e vendit, duke shenuar debutimin e Republikes se Shqiperise ne tregjet nderkombetare financiare te kapitalit. Financimi i siguruar nga Eurobondi do te sherbeje per plotesimin e nevojave te buxhetit te shtetit, per te financuar shpenzimet kapitale ne euro. Ky proces, sipas eksperteve, eshte i ngjashem me letrat me vlere te emetuara ne vend, sepse realizohet nepermjet nje mekanizmi qe mundeson marrjen e ofertave, nga nje numer i madh investitoresh nderkombetare.