Fadil Feratit varroset sot

Ka arritur në Kosovë kufoma e Fadil Feratit, nënkryetarit të LDK-së dhe kryetarit të Burimit, i cili ndërroi jetë të shtunën në mëngjes në Klinikën shtetërore të Offenbachut, afër Frankfurtit në Gjermani.

Në Aeroportin Ndërkombëtar të Prishtinës, trupi është pritur nga nënkryetarët dhe kryesia e LDK-së.

Sot gjatë ditës, në Istog do të bëhen homazhe para arkivolit të të ndjerit dhe do të mbahet një akademi komemorative. Ndërsa varrimi do të bëhet në fshatin Gurragoc.