Festat- Berisha organizon pritje për kabinetin
Tiranë- Me rastin e festave të fundvitit kryeminsitri Berisha dhe bashkëshortja e tij, Liri Berisha organizuan një kokteil për anëtarët e kabinetit qeveritar.
Duke shprehur falenderimet e tij për ministrat e kabinetit, Berisha e ka cilësuar vitin 2011 si një vit të suksesshëm në përmbushjen e projekteve të qeverisë së tij.
Edhe këtë vit, sërish, ambiciet e projektet tona ishin shumë të mëdha, por mendoj se dy procese të mëdha e të rëndësishme patën vend këtë vit: Zgjedhjet lokale jashtëzakonisht të rëndësishme, në të cilat mbizotëroi Kushtetuta, kushtetutshmëria dhe u numërua çdo votë e qytetarëve shqiptarë para kamerave dhe dritës së diellit dhe një proces tjetër, edhe ky jashtëzakonisht i rëndësishëm, ishte censusi që përbën fotografinë e vërtetë të realitetit shqiptar dhe tregues i tij më kryesor për vitin 2011- u shpreh Berisha.
Ndër të tjera kryeministri Berisha u shpreh se 2012-ta është viti në të cilin duhet bërë gjithçka për ta nderuar në formën më dinjitoze.
“Para kemi një vit tjetër intensiv, një vit, i cili dallon nga çdo vit tjetër, sepse është viti i 100 vjetorit të pavarësisë. Është viti, në të cilin ne duhet të bëjmë gjithçka që Shqipërinë 100 vjeçare ta nusërojmë e nderojmë sa më mirë.- tha Berisha.
Shkrime të tjera me interes:
- Festat- Çifti Berisha shpërndan dhurata për fëmijet rom Tiranë- Kreu i ekzekutivit, Sali Berisha sëbashku me bashkëshorten e...
- Festat e fundvitit- Kryeministri Berisha takon fëmijët e fshatit SOS Tiranë- Në aktivitetin e zhvilluar nga fëmijët e fshatit SOS...
- Festat e Fundvitit- Berisha, drekë me klerikët Tiranë-Me rastin e festave të fundvitit Kryeministri i vendit Sali...