Fier, shpërthim në një banesë private

Policia lokale bën të ditur se ndërtesa i përket shtetasit Kozma Toska. Për fat të mirë shpërthimi nuk ka shkaktuar dëme në njerëz, por vetëm vetëm dëmtime të banesës pasi janë shkatërruar muret dhe thyer plotësisht xhamat. Gjatë shpërthimit në banesë ndodheshin vetëm dy të moshuar.

Policia e Fierit mbërriti menjëherë në vendngjarje duke nisur hetimet për zbardhjen e shkaqeve dhe identifikimin e autorit. Policia është duke punuar edhe për zbulimin e llojit të lëndës plasëse.