Fillon Evropiani
Sonte do të fillojë edhe zyrtarisht Kampionati Evropian i basketbollit, i cili do të mbahet në Lituani në periudhën 31 gusht – 18 shtator. 24 ekipe do të jenë të ndara në katër grupe nga gjashtë skuadra, në fazën e parë të grupeve.
Në fazën e dytë do të kalojnë tri ekipet e para nga secili grup. Në këtë fazë do të formohen dy grupe me nga gjashtë skuadra dhe në fund do të çojnë peshë përballjet direkt nga rundi i parë. Katër skuadrat e para nga dy grupet do të kualifikohen në çerekfinale, nga e cila fazë shkohet me eliminim direkt.
Finalistët e këtij evenimenti do të marrin pjesë direkt në Lojërat Olimpike ‘Londra 2012’, kurse ekipet që renditen nga vendi i tretë deri në atë të gjashtë do të shkojnë në para-Olimpiadë qershorin e vitit të ardhshëm.
Spanja, e udhëhequr nga Pau Gasol, është favorite në këtë eveniment, por nuk duhet harruar as Serbinë, e cila gjithmonë është e rrezikshme. Pastaj Franca e Tony Parkerit dhe Gjermania e Dirk Nowitzkit. Aty gjendet edhe mikpritësi Lituania, që gjithmonë ka super ekip dhe u shkakton kokëçarje kundërshtarëve.
Nga vendet e ish Jugosllavisë mungon vetëm Kosova. Shpresojmë që Evropianin tjetër basketbollistët kosovarë të jenë pjesë e kësaj gare.
Evropiani i basketbollit – Grupet
Grupi A
1. Mbretëria e Bashkuar
2. Spanja
3. Lituania
4. Polonia
5. Portugalia
6. Turqia
Grupi B
1. Franca
2. Gjermania
3. Izraeli
4. Italia
5. Letonia
6. Serbia
Grupi C
1. Bosnja e H.
2. Kroacia
3. Finlanda
4. Greqia
5. Maqedonia
6. Mali i Zi
Grupi D
1. Belgjika
2. Bullgaria
3. Gjeorgjia
4. Rusia
5. Sllovenia
6. Ukraina
Xhiroja e parë
Grupi A
E mërkurë
Spanja – Polonia
Lituania – Mbretëria e Bashkuar
Turqia – Portugalia
Grupi B
Serbia – Italia
Gjermania – Izraeli
Franca – Letonia
Grupi C
Greqia – Bosnja e Hercegovina
Mali i Zi – Maqedonia
Kroacia – Finlanda
Grupi D
Sllovenia – Bullgaria
Belgjika – Gjeorgjia
Rusia – Ukraina