Fondi special i kompensimit te pronave dekretohet nga Presidenti, gati krijimi

Krijohet fondi special per kompensimin e pronave. Me miratimin nga Presidenti Bamir Topi, te ligjit "Per krijimin e fondit special te kompensimit te pronave", hyn ne fuqi nisma ligjore e qeverise. Kreu i shtetit dekretoi dje ligjin, qe parashikon krijimin e fondit special, i cili do te perbehet nga te ardhura buxhetore. Nga ky fond, do te perfitojne te gjithe ata pronare qe kane fituar te drejten per shperblim ne baze te ligjit si dhe cdo subjekt i shpronesuar qe i njihet e drejta e kompensimit te prones. E vecanta e ketij ligji, qendron ne faktin qe per krijimin e fondit special te pronave, do te mblidhen para nga nje sere burimesh. Burimet per kompensimin e pronave do te jene te ardhurat qe vijne nga buxheti i shtetit per kompensimin e subjekteve te shpronesuara sipas ligjit per kthimin dhe kompensimin e pronave. Po keshtu ne burimet per demshperblimin e pronareve, perfshihen edhe te ardhurat nga shitja me ankand e pasurive shteterore, per te cilat nuk ka vendim te dhene nga komisionet e kthimit dhe kompensimit te pronave, ne masen 65 per qind te vleres se shitjes, per objektet dhe 100 per qind e vleres se shitjes per truallin. "Perfshihen edhe te ardhurat e arketuara nga transferimi i pronesise se parceles ndertimore sipas ligjit per legalizimet si dhe te ardhura te tjera qe vijne sipas ligjeve ne fuqi per pronat apo akteve nenligjore, fonde te te cilave kalojne per llogari te fondit te kompensimit te pronave", percaktohet ne ligjin e firmosur dje nga kreu i shtetit. Nderkohe qe ne favor te realizimit sa me te shpejte te procesit te kompensimit te pronave ndaj subjekteve te shpronesuara, ne kete ligj parashikohen si burime te fondit special edhe te ardhura qe mund te vijne nga donatore te ndryshem.