Gadafi kërcënon Evropën: Do t´ju sulmojmë!

Udhëheqësi libian dha këtë kërcënim përmes një mesazhi me zë, i cili iu lëshua mijëra mbështetësve të tij të mbledhur në sheshin kryesor të kryeqytetit Tripoli.

Duke iu drejtuar krerëve të shteteve evropiane që mbështesin operacionet ushtarake kundër regjimit të tij, Gadafi tha se nëse nuk ndalen sulmet, “ne do të vendosim që t’ju trajtojmë në të njëjtën mënyrë”.

Tubimi pro-qveritar i së premtes ishte më i madhi në javët e fundit. Ai erdhi pasi Gjykata Ndërkombëtare për Krime lëshoi fletarrestimet për Gadafin dhe dy zyrtarë tjerë për shkak të shtypjes së kryengritjes, e cila u kthye në luftë civile.
/Start/

                                                                                             2011-07-01 21:44