Gedafi pranon udherrefyesin e UA. Kundershton Keshilli Kombetar i Tranzicionit
Kriza në Libi duket sërish larg zgjidhjes. Gedafi është shprehur i gatshëm të verë në praktikë udhërrëfyesin e propozuar nga Unioni Afrikan. Lajmi është bërë i ditur nga presidenti afrikanojugor Jacob Zuma pas takimit me kolonelin një ditë më parë. “I vetmi kusht i vendosur tani nga lideri i Libisë është armëpushimi i menjëhershëm” tha Zuma që gjithashtu e bëri të qartë se koloneli nuk kishte përmendur largimin e tij nga pushteti.
Udhërrëfyesi i Unionit Afrikan është hedhur poshtë nga Këshilli Kombëtar i Tranzicionit në Bengasi që nuk do të negociojë asnjë marrveshje nëse Gedafi dhe familja e tij do të qëndrojnë në pushtet.
“Qasja e komunitetit ndërkombëtar ka ndryshuar” ka deklaruar Fathi Baja, ministër i jashtëm në qeverinë e tranzicionit të rebelëve. “Tani nuk bëhet më fjalë për iniciativa politike sepse pjesa më e madhe e vendeve ështët dakort që Gedafi të largohet nga pushteti. Ky është për ne ndryshimi i vërtetë”- citohet Fathi Baja duke iu referuar Rusisë që është më i fundit i shteteve që kërkon largimin nga pushteti të kolonelit.
E ndërkohë rrebeshi i sulmeve të NATO-s mbi Tripoli nuk ndalet. Shpërthime janë dëgjuar mbi kryeqytet deri në orët e para të mëngjesit të sotëm, ndërsa nga ana tjetër e vendit në Bengasi, Këshilli Kombëtar i Tranzicionit bëri të ditur se fraksioni ushtarak do të quhet Ushtria Çlirimtare Kombëtare.
Delina Bitraku
Udhërrëfyesi i Unionit Afrikan është hedhur poshtë nga Këshilli Kombëtar i Tranzicionit në Bengasi që nuk do të negociojë asnjë marrveshje nëse Gedafi dhe familja e tij do të qëndrojnë në pushtet.
“Qasja e komunitetit ndërkombëtar ka ndryshuar” ka deklaruar Fathi Baja, ministër i jashtëm në qeverinë e tranzicionit të rebelëve. “Tani nuk bëhet më fjalë për iniciativa politike sepse pjesa më e madhe e vendeve ështët dakort që Gedafi të largohet nga pushteti. Ky është për ne ndryshimi i vërtetë”- citohet Fathi Baja duke iu referuar Rusisë që është më i fundit i shteteve që kërkon largimin nga pushteti të kolonelit.
E ndërkohë rrebeshi i sulmeve të NATO-s mbi Tripoli nuk ndalet. Shpërthime janë dëgjuar mbi kryeqytet deri në orët e para të mëngjesit të sotëm, ndërsa nga ana tjetër e vendit në Bengasi, Këshilli Kombëtar i Tranzicionit bëri të ditur se fraksioni ushtarak do të quhet Ushtria Çlirimtare Kombëtare.
Delina Bitraku