Gerrard e synon Carling Cup
Kapiteni i Liverpoolit, Steven Gerrard synon ta fitojë Carling Cup sot, pasi të përballet në finale me Cardiffin.
“Do të ishte një ndjenjë e shkëlqyeshme po ta fitojmë Carling Cup dhe më pas t’i arrijmë objektivat tjerë. Është një kupë e rëndësishme për ne, por ka edhe trofe të tjerë të cilët i synojmë”, deklaroi mesfushori anglez.
Ekipi nga Anfield Road nuk e ka fituar një trofe që nga viti 2006, kur triumfonte në FA Cup. Reds këtë sezon synojnë ta fitojnë edhe këtë të fundit, pasi kanë arritur deri në çerekfinale.