Gjilani - Hysi, ndahen në barazim

Hysi nuk ka mundur të fitoj si mysafir i ekipit të fundit Gjilanit, pasi përballja mes tyre ka përfunduar me rezultat 1:1. Por, kjo ndeshje ka zgjatur rreth 2 orë e gjysmë, shkaku i tensioneve.

Në fakt, Hysi ka kaluar në avantazh prej 0:1 në minutën e 64-të nëpërmjet Florim Bërbatovcit. Gjyqtari anësor e ngriti flamurin duke dhënë shenjë që goli u shënua nga pozita jashtë-loje. Por, gjyqtari kryesor Sokol Domi e pranoi atë gol, me ç’rast u revoltuan vendasit dhe kjo bëri që edhe tifozët të futen në fushë. Me këtë rast, ndeshja është ndërprerë për rreth 15 minuta.

Më pas ajo vazhdoi, derisa Ismet Ramushi i Gjilanit i barazoi shifrat në 1:1 në minutën e 82-të, por njëkohësisht kishte shumë ndërprerje dhe zvarritje të zhvillimit të lojës.

Tabela

1. Prishtina 24 17 45

2. Vëllaznimi 24 7 44

3. Trepça '89 24 13 42

4. Drita 24 6 39

5. Hysi 24 11 36

6. Besa 24 3 35

7. Drenica 24 -1 30

8. Trepça 24 -7 27

9. Liria 24 -8 27

10. Lepenci 24 -9 27

11. KEK-u 24 -14 21

12. Gjilani 24 -18 21