Gjobitje, nëse konstatohen shkelje me tarifat celulare

Nëse konstatohen shkelje apo zbuzime me tarifat celulare atëherë kompanitë mund të gjobiten deri në 10 përqind të xhiros vjetore. Lindita Lati, Kryetare e Autoritetit të Konkurences deklaroi se nuk ka shenja të një monpoli megjithatë ky institucion po shqyrton situatën. Ndërkohë që një abuzim i kompanive celulare është konstatuar në vitet 2005-2007 dhe kundrejt tyre është vendosur gjobë.
 

Futja në treg e disa kompanive celulare sipas Latit është një ndër masat që po ndikon në uljen e këtyre tarifave. Rritja e konkurencës është edhe i vetmi kusht që mund të ndikoje në uljen e tarifave sipas Latit.
 

Kohët e fundit, tarifat e larta celulare kanë qenë një temë mjaft e diskutuar. Madje edhe kryeministri Berisha ka deklaruar se do të merren masa që shqiptarët të mos paguajnë më tarifa shumë herë më të larta se vendet e rajonit.