Gjoka hapë galerinë sivjet
Galeria Kombëtare e Arteve, në Tiranë, ka shpallur orarin e saj gjashtëmujor të ekspozitave.
Nga Express më 02 shkurt 2011 në ora 13:30
Në Tiranë është publikuar orari i aktiviteteve të Galerisë Kombëtare të Arteve për 6 muajt e parë të vitit 2011.
Bordi Artistik i Galerisë ka vendosur që brenda kësaj periudhe i pari të ekspozojë piktori Gjelosh Gjoka, pre datës 8 deri më 27 shkurt.
Pas tij, ndërkaq, veprat e tyre do t’i ekspozojnë Gazmend Leka, në muajin mars, Adem Kastrati, në prill, Ali Oseku, në maj, dhe Martin Parr, në qershor.
Të gjitha ekspozitat do të prezantohen në sallën e ekspozitave të përkohshme.