Greqi, arrestohet 43 vjeçari Apostol Sotiri

Ditën e sotme në Athinë, si rezultat i bashkëpunimit të Zyrës Qendrore Kombëtare Interpol Tirana me Interpol Athinën, është bërë arrestimi me qëllim ekstradimi drejt Shqipërisë i shtetasit Apostol Filip Sotiri, 43 vjeç, lindur në Gradisht, Lushnjë.
Gjykata e Rrethit Gjyqësor Lushnje,e ka dënuar këtë shtetas, me burgim të përjetshëm, për kryerjen e veprave penale të “Vrasjes“ dhe “Armëmbajtjes pa leje“.

Shtetasi Apostol Sotiri, në vitin 1998, ka vrarë bashkëshorten e tij për motive xhelozie, duke e qëlluar me tetë plumba, si dhe ka tentuar të vrasë gjithashtu shtetasin Ilir S.
Ky shtetas, gjatë qëndrimit në Greqi përdorte një pasaportë me gjeneralitete të tjera.