Hamsik i lumtur në Napoli
Nga Express më 04 shtator 2011 në ora 16:17
Marek Hamsik ka insistuar se nuk do të braktis Napolin për tu transferuar në Paris Saint Germain.
24 vjeçari ishte objektiv i Milanit gjatë afatit kalimtar të verës por pak para mbylljes së afatit kohor të transferimeve më 31 gusht ai ishte kërkuar edhe nga PSG.
Tani vazhdojnë të qarkullojnë spekulime rreth kalimit të tij në PSG në janar. Por, ai insiston se është i lumtur në San Paolo.
“PSG ? Ky është lajm i çmendur. Afati kalimtar është mbyllur. Jam i lumtur në Napoli dhe dua të fitoj këtu” tha Hamsik për Gazzetta dello Sport.