Hysi befason Prishtinën

Prishtina sërish ka rrëshqitur keq në shtëpi të vet. Pas Trepçës 89, edhe Hysi ia ka dal ta mposht kampionin aktual të Kosovës midis kryeqyteti me rezultat 1:2 – në ndeshjen e parë të javës së tetë të Superligës.

Kështu, Hysi befasoi me të madhe, kur dihet se këtë edicion e ka nis me lojtarë thuajse krejtësisht të rinj, andaj prishtinasit konsideroheshin favorit për ta fituar këtë duel.

Ekipi i Hysni Maxhunit e heshti stadiumin prishtinas qysh në minutën e 11-të, kur Edon Zeqiri shënoi për rezultat 0:1.

Pas këtij goli, Hysi përpiqej ta ruante avantazhin, derisa nëpërmjet kundërsulmeve e rrezikonte seriozisht portën bardh e kaltër. Ndërsa, Prishtina bënte përpjekje për t’i barazuar shifrat, duke dominuar në posedim të topit.

Kështu, Enis Gavazaj për pak sa nuk i barazoi shifrat në minutën e 35-të, kur e qëlloi transversalen e portës bardh e zi.

Vendasit i kanë barazuar shifrat tek në minutën e 70-të, kur Azem Ahmeti nga pika e bardhë shënoi për rezultat 1:1.

Pas këtij goli, prishtinasit u hodhën në sulm për ta fituar betejën, por një kundërsulm i mysafirëve i la të fjetur, ngase në minutën e 83-të Arlind Zylfallari shënoi për rezultat 1:2, duke ia regjistruar Hysit fitoren e tretë në këtë stinor.

Prishtina mbetet në kuotën e 16 pikëve, derisa Hysi tani i ka tubuar 11 pikë.