Imeraj: Berisha, një tjetër gënjeshtër

Zëdhënësja e Partisë Socialiste, Armela Imeraj, reagoi dje menjëherë pas akuzave të Kryeministrit Sali Berisha ndaj kryetarit të opozitës, Edi Rama, për “dekonspirimin” e operacionit. “Kryetari i Partisë Socialiste, Edi Rama, shpreh të gjithë habinë e tij për shpifjen më të freskët të Kryeministrit”, u shpreh Imeraj. Duke i uruar të shkuara zotit Berisha, vijoi ajo, kreu i PS e konsideron shpifjen e sotme së bashku me fyerjet që e shoqëruan atë një tjetër shembull të keq të etikës së komunikimit publik.