Impiant i ri për menaxhimin e mbetjeve urbanë në Korçë

Faza studimore për impiantin rajonal të grumbullimit dhe përpunimit të mbetjeve urbane në Korçë ka përfunduar, ndërkohë që është përcaktuar edhe vendi për grumbullimin e mbeturinave, një fushë në zonën e Maliqit me një sipërfaqe prej 10 ha.

Impianti do të evitojë efektet dhe pasojat negative mjedisore, ndryshe nga pikat e zakonshme të grumbullimit të mbetjeve që shkaktojnë një ndotje të lartë mjedisore. Ky do të jetë impianti i parë i këtij lloji në vendin tonë për menaxhimin e mbetjeve urbane, ku do të kryhet depozitimi në rang rajonal dhe përpunimi sipas llojit të mbetjeve për një periudhë 20- vjeçare.

Sipas projektit të financuar nga pala gjermane dhe banka KFE, është përcaktuar që ekspertë gjermanë do të sigurojnë edhe mbështetjen teknike gjatë fazës së zbatimit.