Investimet publike, 20 miliardë lekë

Investimet publike të kryera nga institucionet qendrore dhe lokale gjatë periudhës janar-prill 2010, janë kryer në rreth 96 për qind e planit. Në këtë periudhë janë lidhur kontrata dhe kanë vijuar punime publike nga buxheti i shtetit, në vlera rreth 20 miliardë lekë, ose gati 600 milionë lekë më pak se plani i vendosur nga Ministria e Financave. Gjithsesi, duke parë ecurinë e të ardhurave tatimore, kryesisht negative (minus 80 milionë dollarë), Ministria e Financave ka shumë gjasa të vërë në zbatim planin e reduktimit të shpenzimeve, duke prekur investimet, në masën 20 për qind.