Kapet autori i krimit të dyfishtë të vëllezërve Toska
Nuk ka zgjatur për shumë kohë arratia e autorit të vrasjes dhe plagosjes së dy vëllezërve Toska në një gosti dasme në Pishporaj të Fierit. Pas kërkimesh intensive përgjatë gjithë natës, forcat e policisë së këtij qyteti kanë mundur të lokalizojnë dhe vendndodhjen e 30-vjeçarit Arben Dhano, i dyshuari kryesor i ngjarjes.
Lajmi është konfirmuar ditën e djeshme nga policia lokale, e cila ka bërë me dije se në orët e para të mëngjesit shërbimet e saj kanë mundur të arrestojnë autorin e krimit, i cili qëndronte i fshehur në plazhin e fshatit Pishporaj, disa kilometra larg vendngjarjes. Policia konfirmoi gjithashtu se i dyshuari u prangos pa rezistencë dhe nuk iu gjet asnjë armë zjarri apo e ftohtë, ndërsa mendohet se ai ka qëndruar në këtë vend që mbrëmjen e së martës.
Sipas hetimeve të para të hetuesve, mësohet se vrasja ka ndodhur pas një grindjeje banale mes dy vëllezërve dhe autorit të krimit, ku Dhano mendonte se njëri nga vëllezërit Toska i ngacmonte të motrën. Policia tha se tashmë po punon për mbledhjen e provave materiale, si dhe po heton dhe për bashkëpunëtorët e mundshëm të 30-vjeçarit, ndërsa Arben Dhano akuzohet se mbyti me litar Flogert Toskën dhe plagosi me kaçavidë vëllain e vogël të të ndjerit, Xhuljanin 18-vjeçar.
Ngjarja e rëndë ka ndodhur mbrëmjen e vonë të së martës në fshatin Pishporaj të Fierit, ku dy vëllezërit Toska ndodheshin si të ftuar në gostinë e një dasme.
“Nga dëshmitë dhe provat në vendngjarje na rezultoi se i dyshuari Arben Dhano e ka tërhequr jashtë lokalit njërin prej vëllezërve, Flogert Toskën, dhe pasi 22-vjeçari ka dalë jashtë, e ka shtyrë mbrapa mureve të barit dhe e ka mbytur me një copë litar”, - janë shprehur pas ngjarjes burime nga grupi hetimor i policisë.
Sipas këtyre të dhënave, pak çaste më vonë, nga lokali ka dalë për të parë ku shkoi vëllai, edhe 17-vjeçari Xhuljan Toska.
Ky i fundit ka parë Flogertin që po jepte shpirt dhe është munduar të thërrasë për ndihmë njerëz të tjerë, por i dyshuari Arben Dhano nuk është mjaftuar vetëm me faktin që i mori jetën Flogertit. Ai iu vërsul dhe Xhuljanit, këtë radhë duke përdorur një kaçavidë dhe ia nguli në qafë duke e përgjakur.
Menjëherë pas krimit të dyfishtë, i ndihmuar dhe nga disa shokë të tij, autori është zhdukur mes errësirës nga vendi i ngjarjes. Sipas hetuesve, i dyshuari Arben Dhano ishte vënë disa herë kohët e fundit përballë dy vëllezërve Toska, të cilët i kishin tërhequr vëmendjen për faktin se po i ngacmonin rregullisht motrën e tij të vogël.
I arrestuar
Arben Dhano, 30 vjeç
I vdekur
Gerti Toska, 20 vjeç
I plagosur
Xhuljan Toska, 18 vjeç, i vëllai
Lajmi është konfirmuar ditën e djeshme nga policia lokale, e cila ka bërë me dije se në orët e para të mëngjesit shërbimet e saj kanë mundur të arrestojnë autorin e krimit, i cili qëndronte i fshehur në plazhin e fshatit Pishporaj, disa kilometra larg vendngjarjes. Policia konfirmoi gjithashtu se i dyshuari u prangos pa rezistencë dhe nuk iu gjet asnjë armë zjarri apo e ftohtë, ndërsa mendohet se ai ka qëndruar në këtë vend që mbrëmjen e së martës.
Sipas hetimeve të para të hetuesve, mësohet se vrasja ka ndodhur pas një grindjeje banale mes dy vëllezërve dhe autorit të krimit, ku Dhano mendonte se njëri nga vëllezërit Toska i ngacmonte të motrën. Policia tha se tashmë po punon për mbledhjen e provave materiale, si dhe po heton dhe për bashkëpunëtorët e mundshëm të 30-vjeçarit, ndërsa Arben Dhano akuzohet se mbyti me litar Flogert Toskën dhe plagosi me kaçavidë vëllain e vogël të të ndjerit, Xhuljanin 18-vjeçar.
Ngjarja e rëndë ka ndodhur mbrëmjen e vonë të së martës në fshatin Pishporaj të Fierit, ku dy vëllezërit Toska ndodheshin si të ftuar në gostinë e një dasme.
“Nga dëshmitë dhe provat në vendngjarje na rezultoi se i dyshuari Arben Dhano e ka tërhequr jashtë lokalit njërin prej vëllezërve, Flogert Toskën, dhe pasi 22-vjeçari ka dalë jashtë, e ka shtyrë mbrapa mureve të barit dhe e ka mbytur me një copë litar”, - janë shprehur pas ngjarjes burime nga grupi hetimor i policisë.
Sipas këtyre të dhënave, pak çaste më vonë, nga lokali ka dalë për të parë ku shkoi vëllai, edhe 17-vjeçari Xhuljan Toska.
Ky i fundit ka parë Flogertin që po jepte shpirt dhe është munduar të thërrasë për ndihmë njerëz të tjerë, por i dyshuari Arben Dhano nuk është mjaftuar vetëm me faktin që i mori jetën Flogertit. Ai iu vërsul dhe Xhuljanit, këtë radhë duke përdorur një kaçavidë dhe ia nguli në qafë duke e përgjakur.
Menjëherë pas krimit të dyfishtë, i ndihmuar dhe nga disa shokë të tij, autori është zhdukur mes errësirës nga vendi i ngjarjes. Sipas hetuesve, i dyshuari Arben Dhano ishte vënë disa herë kohët e fundit përballë dy vëllezërve Toska, të cilët i kishin tërhequr vëmendjen për faktin se po i ngacmonin rregullisht motrën e tij të vogël.
I arrestuar
Arben Dhano, 30 vjeç
I vdekur
Gerti Toska, 20 vjeç
I plagosur
Xhuljan Toska, 18 vjeç, i vëllai