Kriza, Shkupi: Qytetarët të evitojnë udhëtimet në Greqi

SHKUP- Autoritetet në Maqedoni i këshillojnë shtetasit e tyre të shmangin udhëtimet në Greqi, ku ekziston një situatë e tensionit të lartë social e cila mund të jetë e rrezikshme për vizitorët.
“Ministri i Jashtëm rekomandon qytetarëve maqedonas të shmangin udhëtimet dhe pushimet në Greqi”-lexohet në një komunikatë të shpërndarë sot në Shkup.
Në këtë komunikatë i referohet “manifestimeve të dhunshme në Athinë e Selanik”. Maqedonasve që ndodhen aktualisht në Greqi i rekomandohet që evitojnë daljet në qendrat e qyteteve të mëdha dhe qëndrimet pranë zyrave publike dhe bankave.
(s.g/ANSA/Balkanweb)