Kriza e euros gjermanet jo eurobondit te perbashket
Ndërsa vendet e eurozonës tentojnë të zgjidhin krizën e borxheve qeveritarët gjermanë shprehen kundër thirrjeve për eurobonde të përbashkëta të qeverive të euriozonës. Duke u prononcuar për gazetën gjermane “Der Spiegel”, Ministri i Financave, Wolfgang Schaeuble tha se “nuk do të ketë një ndarje të borxheve dhe as ndihmë pa fund për vendet në krizë " ndërsa udhëheqësit e eurozonës punojnë për forcimin e paketës për Stabilitetin Financiar Europian, të shtrirë në 12 vjet.
Ministri i Ekonomisë Philipp Roesler foli gjithashtu kundër bonove të eurozonës gjatë një vizite në Waren, gjatë fushatës zgjedhore për partinë e tij.
"Ne ende mendojmë se eurobondet janë rruga e gabuar pasi do të ndëshkonte vendet që po ndërmarrin reformat e duhura e që janë ekonomikisht të shëndoshë, si Gjermania, të cilat gëzojnë një renditje të mirë të kredisë dhe për këtë arsye të paguajnë norma të ulëta interesi," shtoi ministri, zëvendës-kancelar.
Ai tha se eurobonde do të thotë taksa të larta, " çka nuk mund të jetë e dëshirueshme as për Gjermaninë dhe as për Europën në përgjithësi." Komentet vijnë një ditë para mbajtjes së një takimi të lartë ndërmjet presidentit francez Nikolas Sarkozi dhe kancelares gjermane Angela Merkel në Paris.
E ndërsa investitori amerikan, George Soros, e konsideron Gjermaninë fajtoren kryesore për shkallëzimin e krizës së borxheve të euros.
"Ishte ngurrimi gjerman, që e përforcoi krizën e Greqisë dhe që e bëri atë ngjitëse, e ktheu në një krizë ekzistenciale për Evropën", shkruan miliarderi në një artikull për gazetën gjermane "Handelsblatt".
Sorosi mbështet futjen e bondeve të Euros, për të cilat garantojnë bashkërisht shtetet dhe jo në mënyrë të veçuar. "Përndryshe Euro do të pësojë kolaps", paralajmëron Soros.
Delina Bitraku
Ministri i Ekonomisë Philipp Roesler foli gjithashtu kundër bonove të eurozonës gjatë një vizite në Waren, gjatë fushatës zgjedhore për partinë e tij.
"Ne ende mendojmë se eurobondet janë rruga e gabuar pasi do të ndëshkonte vendet që po ndërmarrin reformat e duhura e që janë ekonomikisht të shëndoshë, si Gjermania, të cilat gëzojnë një renditje të mirë të kredisë dhe për këtë arsye të paguajnë norma të ulëta interesi," shtoi ministri, zëvendës-kancelar.
Ai tha se eurobonde do të thotë taksa të larta, " çka nuk mund të jetë e dëshirueshme as për Gjermaninë dhe as për Europën në përgjithësi." Komentet vijnë një ditë para mbajtjes së një takimi të lartë ndërmjet presidentit francez Nikolas Sarkozi dhe kancelares gjermane Angela Merkel në Paris.
E ndërsa investitori amerikan, George Soros, e konsideron Gjermaninë fajtoren kryesore për shkallëzimin e krizës së borxheve të euros.
"Ishte ngurrimi gjerman, që e përforcoi krizën e Greqisë dhe që e bëri atë ngjitëse, e ktheu në një krizë ekzistenciale për Evropën", shkruan miliarderi në një artikull për gazetën gjermane "Handelsblatt".
Sorosi mbështet futjen e bondeve të Euros, për të cilat garantojnë bashkërisht shtetet dhe jo në mënyrë të veçuar. "Përndryshe Euro do të pësojë kolaps", paralajmëron Soros.
Delina Bitraku