Kufiri, Shkupi e Prishtina firmosin procesverbalet

Ministria e Jashtme ne Shkup ka bere te ditur se komisioni  per demarkacionin e kufirit mes Kosoves dhe Maqedonise ka firmosur ne Oher procesverbalet e perbashketa per vendosjen e shtyllave kufitare, te cilat zyrtarizojne keshtu vijen kufitare me Kosoven.

Firmosja e procesverbaleve ka qene pjese e marreveshjes nga protokolli per vendosjen e shtyllave kryesore, qe u arrit javen e kaluar. Deri ne permbylljen e aktiviteteve ne terren, sic njofton Ministria e Puneve te Brendshme, Komisionit per shenimin e kufirit i mbetet te vendose edhe 50 piramida kufitare te cilat duhet te jene gati deri ne fund te muajit.

Pasi te perfundoje shenimi i kufirit, vijon ‘pastrimi’ i vijes kufitare ndersa pas kesaj vjen dhe regjistrimi i terrenit nga ajri. Nga Prishtina, korrespondentja jone na njofton se protokollet per vendosjen e gureve u firmosen pasi kjo eshte e nevojshme pas njohjes se Kosoves nga Maqedonia, e cila tani pergatitet te dorezoje letrat kredenciale ne Prishtine.