Lamela do të përmirësohet

Trajneri i Romës, Luis Enrique ka insistuar se duhet pritur edhe shumë më tepër nga talenti i ri Erik Lamela pas golit në debutimin e tij për Giallorossët.

Argjentinasi shënoi pas vetëm shtatë minutave të fillimit të aventurës së tij në Serie A në fitoren 1-0 ndaj Palermos të dielën.

“Ai është futbollist special. Ai di të bënë gjëra të bukura në fushën e futbollit. Derisa them këtë, ai ka edhe shumë për të mësuar”, tha Enrique për Gazzetta dello Sport. Lamela, 19 vjeç iu bashkua Romës nga River Plate gjatë verës.