Magath kthehet në Wolfsburg
Nga Express më 18 mars 2011 në ora 18:00
Felix Magath është kthyer në Wolfsburg gati dy vjet pasi e kishte udhëhequr atë drejt titullit në Bundesligë dhe vetëm dy ditë pas largimit nga Schalke 04.
“Wolfsburg ka angazhuar Felix Magathin si trajner dhe drejtor sportiv”, thuhet në komunikatën e publikuar në ueb faqen zyrtare të Wolfsburgut. Magath përsëri do të mbajë dy poste, njësoj siç kishte bërë gjatë aventurës së kaluar në Wolfsburg nga 2007 deri te suksesi i tij i vetëm deri më tani në Bundesligë më 2009.