Milan, plot lojtarë me valixhe gati

Vera e këtij viti mund të sjell ndryshime të mëdha tek kampioni aktual i Italisë, Milan. Janë plot 10 futbollistë, jo pak të rëndësishëm, edhe pse të shtyrë në moshë, të cilëve u skadon kontrata në qershor. Sipas mediave italiane, shumica prej tyre do të lihen të lirë dhe nuk do t'u vazhdohen kontratat.

Lojtarët të cilëve do t'u skadojë kontrata gjatë verës janë: Clarence Seedorf, Mario Yepes, Flavio Roma, Massimo Ambrosini, Matieu Flamini, Gianluca Zambrotta, Gennaro Gattuso, Mark Van Bommel, Filippo Inzaghi e Alessandro Nesta.

Nga këta 10 futbollistë, vetëm qendërmbrojtësi Nesta e ka të sigurt qëndrimin në San Siro. Udhëheqësia e klubit po e përgatit një kontratë të re dyvjeçare për veteranin e mbrojtjes. Rrugën e tij mund ta ndjek edhe francezi Flamini, i cili është i ri në moshë dhe mund të kthehet i dobishëm, pas lëndimit të rëndë që e la jashtë fushës qe 6 muaj.

Adriano Galliani me shokë mund të mendojnë që ta zgjasin bashkëpunimin për një vit edhe me Gattuson, Zambrottën e Seedorfin, ndërsa e ardhmja e të tjerëve duket të jetë larg qytetit të Milanos. Ndërkohë, Milani po mendon që ta transferojë Ricardo Montolivon e Fiorentinës, i cili pritet të nënshkruajë kontratë katërvjeçare me 2,5 milionë euro në vit.