Milo: Qeveria masa për krizën

Tiranë-Deklaratat e FMN-së, kanë shkaktuar reagime të shumta në politikën shqiptare. Kryetari i Partisë Demokracia Sociale, Paskal Milo tha sot se kriza tashmë ka përfshirë vendit dhe efektet e saj të janë të dukshme, por sipas Milos, qeveria nuk e kanë pranuar në mënyrë të qëllimshme sepse kanë dashur t’i mbajnë shqiptarët në erësirrë.

“Në vend që të reflektoj për këtë të ardhme shumë të zymtë të ekonomisë shqiptare, ministri i Financave me porosi të shefit të vetë,nxitoi të kundërshtoj deklaratat dhe sugjerimet e F.M.N, duke na kujtuar sjelljen politike të regjimit komunist në fund të viteve 80-të, kur Qeveria e tollonave përpiqej të fshihte krizën e thellë duke u servirur shqiptarëve lugën bosh në emër të socializmit specifik shqiptar”-theksoi Milo gjatë konferencës.

Ai i ka bërë thirrje qeverisë të reflektoj seriozisht pa qenë vonë sepse po vihen në rrezik serioz zgjedhjet. “Opozita shqiptare nuk mund të pranoj në kushte të tilla në zgjedhje në rast se nuk do të ketë infrastrukturën e duhur, në rast se nuk do të ketë transparencë në shpërndarjen e kartave të identitetit, në rast se nuk do të garantohen vërtet zgjedhje të lira dhe të ndershme”-vijoi kreu i PDS-së.