Ministri i Brendshëm britanik në Shqipëri, takime për bashkëpunim kundër krimit të organizuar

Ministri i Brendshëm i Mbretërisë së Bashkuar, Vernon Coaker, do të vizitojë për disa ditë Shqipërinë, me ftesë të ministrit të Brendshëm, Bujar Nishani. Kjo vizitë bëhet në kontekst të marrëdhënieve të forta dypalëshe midis dy vendeve. Qëllimet e kësaj vizite do të jenë vazhdimi i bashkëpunimit ndërmjet Mbretërisë së Bashkuar dhe Shqipërisë në polici dhe luftën ndaj krimit, si dhe marrëdhëniet e ngushta midis dy palëve. Gjithashtu, sipas burimeve zyrtare, ministri do të takojë disa personalitete dhe politikanë të vendit dhe do të diskutojë me ta mbi zhvillimet më të fundit në Shqipëri. Kjo vizitë do të mbahet në të njëjtën kohë me një takim të PAMECA III, një projekt i asistencës së policisë së Bashkimit Evropian që implementohet me drejtimin e qeverive të Mbretërisë së Bashkuar dhe Austrisë. Vizita e ministrit të Brendshëm reflekton gjithashtu rëndësinë që Mbretëria e Bashkuar i kushton kësaj çështjeje. Një nga temat që pritet të diskutohet është edhe ajo e identifikimit, verifikimit të të dhënave dhe ekstradimit drejt vendit tonë të personave në kërkim që janë strehuar në Angli dhe një pjesë e tyre kanë përfituar azil politik.