Mjetet pa targa, të mos mbeten si ligji antiduhan

Edhe pse policia ka bërë progres, ka ende probleme për policinë. Një numër i madh makinash pa targa qarkullojnë dhe kjo çështje duhet zgjidhur dhe jo thjesht të mbetet në letër si ligji antiduhan. Kështu është shprehur ditën e djeshme kreu i delegacionit të Komisionit Europian në Tiranë, Helmut Lohan, i cili shtoi se sheh me sy kritik mungesën e kontrollit për trafikun e mundshëm të automjeteve. Kreu i delegacionit të Komisionit Europian në Tiranë, Helmut Lohan, ka këshilluar policinë shqiptare për problemet në fushën e sigurisë, në lidhje me automjete e patarguara.