Mourinho grindet me dy tifozë të Barcelonës

Edhe pse në pushime, Jose Mourinho vazhdon të jetë në qendër të vëmendjes. Sport.es ka publikuar lajmin sipas të cilit trajneri portugez i Real Madridit ka pasur një duel të nxehtë verbal me një çift, Xavier dhe Anna, tifozë të Barcelonës, që po ktheheshin nga muaji i mjaltit.

Çifti thuhet se në momentin kur kishte parë Mourinhon në aeroport brohoritën “Forza Barcelona”. Mourinho duket se nuk e kishte dëgjuar këtë frazë, por ajo që krijoi kaosin thuhet se ishte gruaja e strategut nga Setubali, e cila e njoftoi atë.

Mourinho u ballafaqua me ta duke përdorur tone të ashpra para ndarjes. Një episod i keq, por kur në mes janë Real Madridi – Barcelona e mbi të gjitha Jose Mourinho, polemikat janë të sigurta.