Mourinho s’jep garanci

Jose Mourinho ka refuzuar të konfirmojë të ardhmen e tij në Real Madrid pas përfundimit të këtij sezoni. Së fundi qarkullojnë spekulime rreth mosmarrëveshjeve të Mourinhos me drejtorin e përgjithshëm, Jorge Valdano, dhe se portugezi mund të braktisë klubin pas vetëm një sezoni në Santiago Bernabeu.

Mourinho ka thënë se do të presë deri në verë për të marrë një vendim. “Bota është plot me spekulime, por ato nuk janë të gjitha të vërteta. Sa i përket të ardhmes sime, do të shohim çka ndodh në fund të sezonit”, tha Mourinho.