Slomka, afër vazhdimit me Hanoverin

Trajneri i Hanoverit, Mirko Slomka, është afër marrëveshjes për vazhdimin kontratës së tij me klubin. Pas bisedave me menaxhmentin e klubit nga Bundesliga, Slomka ka bërë të ditur se është duke konsideruar ofertën e re dhe se do të vendosë rreth saj në fillim të javës së ardhshme.

“Kontrata e re më është prezantuar dhe do ta analizoj të premten në mbrëmje”, tha Slomka, kontrata aktuale e të cilit skadon në fund të këtij sezoni. Hanoveri aktualisht gjendet në pozitën e dytë në Bundesligë.