Noriega në spital
Ish-diktatori ushtarak i Panamasë, Manuel Noriega, është shtruar në spital, pas një sulmi që ka pësuar nga tensioni i lartë.
Shtatëdhjeteshtatëvjeçari aktualisht vuan dënimin prej 20 vjetësh heqje lirie, për shkak të vrasjes së kundërshtarëve, gjatë sundimit të tij në vitet e 80-ta.
Noriega është ekstraduar në Panama dhjetorin e kaluar. Ai ka kaluar dy dekadat e fundit në burg, fillimisht në SHBA, pastaj në Francë, për trafikim të drogës dhe shpëlarje parash.
Noriega u rrëzua nga pushteti në vitin 1989, pas një invadimi të forcave amerikane.