Olldashi: Hapja e tunelit me rëndësi për turistët

Ministri i Transporteve dhe Punëve Publike Sokol Olldashi ishte i pranishëm sot në ceremoninë e hapjes së tunelit jugor në autostradën Durrës-Kukës. Gjatë fjalës para të pranishmëve, Olldashi u sqaroi se punimet pas shembjes që u shkaktua në këtë tunel kanë kushtuar 30 milion euro duke theksuar se hapja e tunelit është e rëndësishme për turistët në këtë sezon turistik.

Olldashi garantoi se në muajin shtator do të realizohet edhe hapja e tunelit verior duke e sjellë rrugën në parametrat optimale. Ministri sqaroi se hyrja dhe dalja nga ky tunel ndryshe nga sa ishte përfolur do të jetë pa pagesë.